Källerdienscht

Källerdienscht

Pfyfferkäller

Dr Glunggi Käller wird bewirtschaftet

Am Zyschtig zoobe isch es Tradizion, ass es in unserem Käller ebbis glains z'Ässe und ebbis Siesses git. Do drzu macht jedes Aggivmitglid aimol im Johr mit eme Gschpänli e Källerdienscht, bringt s'Ässe mit und schänggt vor und no dr Yebigsschtund und in dr Pause Geträngg uss.

S'isch nid schwär, s'git e Checklischte und e Lischte wär in welere Wuche an dr Raihe isch. Ka epperts nid in synere Wuche, liggt's in synere Verantwortig, fir en Ersatz z'luege. Bi de hyttige, schnälle Kommunikationsmittel ka das nid eso schwär sy!

Unsere Käller het an de Yebigszyschtig offe vom sibeni zoobe bis am halber zwelfi! Do drmit längts no zem Butze und glych uff s'letschte Drämmli. Mer heere denn uff, wenn's am Scheenschte isch!

Ebefalls zue de Pfichte vo den Aggivmitglider geheert, ass me ai Wuche im Johr Pikett macht fir wenn dr Käller ka vermietet wärde. Denn ka nämmli d'Källerwirtene grad zuesaage und muess nid lang em Personal nochespringe. D'Yynahme vo dr Vermietige kemme wider jedem Mitgliid z'guet. In dr Regel isch d'Pikettwuche die glychi Wuche, wo me au dr Zyschtigsdienscht hett und die isch ebefalls uff ere Lischte wo im Käller hänggt.