Zeedel Jungi Garde 2007

Fasnacht 2007

Glunggi Logo

Fasnachtsclique Glunggi
Jungi Garde + Binggis

Mir sueche DÄ Fasnächtler

Wenn di unbedingt wottsch bewäärbe
Zem Mister und Miss Schwyz no wärde
Bisch numme scheen, denn hesch kai Broot
Muesch gscheyt und fit sy, sunsch bisch doot

Bim Music Star kasch au nur brilliere
Wenn di duesch mit Danz profiliere
Und denn drzue au no kasch singe
Was lengscht nid jeedem grad duet glinge

Und wenn De de Models nochesträbsch
Hungerisch, dass de nur knapp überläbsch
Muesch aber no waggse, glai darfsch nid sy
Wo blybt dyni Gsundheit denn do drby?

Das Casting zum Fasnächtler isch dr Hit
Hungere und singe muesch bin ys nid
Im Glunggikäller, Bäumligass siibe
Doo ischs gmietlig und doo kasch bliibe

Muesch di bi uns nid qualifiziere
Kasch ohni Ändusschaidig brilliere
Bi uns kunsch diräggtement in Finaal
Fasnächtle isch bi uns Glunggi geniaal.