Archiv 2016

Archiv 2016

E'Dail vom Buffet am Wiehnachtshogg 2016

Wiehnachtshogg am 20. Dezämber

Zem Abschluss Johresabschluss hett unser johrelangs Wiehnachts-Källerteam e wunderbars Buffet aanezauberet.
Vyledangg Eych baide!
Nomeh Fotteli vom Oobe sinn in dr Galerie.

Jubelabschlussoobe am 5. Novämber

Zem Abschluss vome erläbnisryyche Jubeljohr hänn mir am 5. Novämber unser 50 jöhrigs Jubiläum im Holzsaal gfyyrt. Aigeni Bydräg samt eme Ufftritt vo unserer Junge Garde und musikalischi Unterhaltig hänn fir Abwägslig gluegt, e fein Mööli fir e veritabli Dischgrachete.
Nomeh Fotteli vom Oobe sinn in dr Galerie.

D'Jubelkommission vor em Schlussoobe 2016

Mässbummel vo dr Junge Garde am 1. Novämber

Die Junge hänn an däm Zyschtig e tolle Mässbummel gha und e Dail vo däm verjublet, wo sinn bim Koche fir die Grosse yygno hänn. Sy hänns verdient, denn sy hänn au gschafft an sällem Oobe!

Herbschtbummel Stamm uff Hamburg 16.-18. Septämber

Am Fryttigmorge sinn 63 fröhligi Stammmitglider am Badische Bahnhof uff e Zug Richtig Hamburg. Am Sunntig zoobe sinn sy zimmlig mied widr haime ko. Was unterwäx bassiert isch sehsch iff dr Fotteli vom Niggi in dr Galerie.

Herbschtbummel Hamburg vom Stamm 2016
Herbschtwuchenändi Jungi Garde 2016

Herbschtwuchenändi Jungi Garde 10./11. Septämber

Rund 45 gut gelaunte Glunggis machten sich letzten Samstag bei schönstem Wetter auf nach Hochwald um ein spannendes, lustiges und übungsintensives Wochenende zu verbringen.

Nach dem die Zimmer in Beschlag genommen wurden, ging es auch schon los mit den ersten Übungsstunden. Bis zum späten Nachmittag war der Tag gespickt mit ganz viel Üben, Ping Pong, Fussball, Baumklettern und Picknicken. Vor dem Nachtessen fand dann endlich die von allen mit Spannung erwartete Sujetsitzung statt. In der ersten Runde wurden alle eingegangenen Vorschlägen unter die Lupe genommen und per Abstimmung grosszügig aussortiert. In einer zweiten Runde wurden die Favoriten heiss diskutiert alle Pro und Contras in den Raum gestellt. Bei der zweiten Abstimmung erkoren wir einen klaren Sieger und die Ideen sprudelten nur so zu Larven, Kostümen, Requist. Sogar erste Laternenvärsli wurden aus dem Ärmel geschüttelt. Danach wurde die Grillstelle eingefeuert und wir konnten bei wunderschönem Spätsommerwetter unsere Klöpfer, Maiskolben und Schlangenbrot geniessen.

Es wurde Fussball gespielt bis man den Ball und die Mitspieler in der Dunkelheit nicht mehr sehen konnten und irgendwann sind dann alle sehr, sehr müde in ihre Schlafsäcke gekrochen Auch am Sonntag wurde fleissig geübt, gespielt und gelacht. Mit einer grossen Marschübung und anschliessenden Z’Vieri war es auch schon wieder Zeit die Rucksäcke zu buckeln und sich wieder in Richtung Postauto auf zu machen!

Schön wars wieder einmal und wir freuen uns aufs nächste Weekend!

Do hett's none baar Fotteli

ZTPF 2016 Möhlin

Mit dr UFS mache e baar Glunggi am Zentralschwyzerische Damboure- und Pfyfferfescht mit. Sy hänn die gmischti Gruppekonkurränz und d'Pfyfferkonkurränz gwunne und dr 2. Rang by der Damboure S2.

UFS am ZTPF 2016
Jubelwuchenändi 2016

Jubelwuchenändi 18./19. Juni

Schtatt em tradizionelle Glöpferbrötle hetts im Jubeljohr e gmainsams Wuchenändi gä. Die Alte, die Junge und dr Stamm sinn zämme in Schwarzwald go fyyre bi tolle Aggtivitäte und feynem Ässe.

E grosses Danggscheen dr ganze Jubelkommission fir die tolli Arbet!

Do hett's none baar Fotteli vom Niggi drzue. Wär no meh Fotteli het, ka mer die gäh zem in d'Galerie integriere.

Jubelbummel 2016

In däm Johr sinn die Alte, die Junge und dr Stamm zämme go bummle.

Do hett's none baar Fotteli drzue.

Jubelbummel 2016
Fotteli vom Stamm Fasnacht 2016

Fasnacht Stamm 2016

Fotteli vo dr Fasnacht 2016

Fasnacht Jungi Garde 2016

Jubeluffdritt am Drummeli 2016

An dr Dernière vom disjöhrige Monschtre simmer vom Comité geehrt worde. D'Pia Inderbitzin vom Comité hett imme Glunggi Goschdyn d'Laudatio ghalte.

Drno hämmer derfe s'Glunggileum ufffiere.

Do hett's none baar Fotteli drzue.

Jubelufftritt 2016

D'Feli hett dr Ufftritt uffgno aber dä Film isch fascht e halb Gigabyte gross, drumm gitz en do zem aabelaade.

Marschyebig 2016

Marschyebig Jänner 2016

Am Sunndig, 31. Jänner hänn alli Glunggi zämme (Stamm, Jungi und Alti Garde) e Marschiebig in dr Grien '80 unternoh. Noch dr erschte Helfti pfyffe und drummle hänn mir e gmietlechi Pause im Seibi-Käller gmacht und sinn denn wieder zrugg zum Ussgangspunggt. Me weiss jetzt wieder, wo me no Entwiggligsmöglichkeite het, und au dr Vortrab lauft wyterhin vorne ...

Do hett's none baar Fotteli drzue.

Intärns 2016

S'Intärne isch dr Ufftaggt vom Jubeljohr gsi. Mir hänn is ussnahmswys am Samschtig und in dr Sichtbar iber dr blinde Kue droffe. Alli Seggzione und vor allem die Junge hänn e tolls Brogramm botte. Nadyrlig het au dr Hemmliglunggi nid derfe fähle.

Do hett's none baar Fotteli drzue.

Intärns
Eschtrig ruume

Eschtrigruumete

Mir dangge alle Hälfer, wo am Samschtig, em 15. Jänner bi dr Eschtrichruumete im Thomas-Platter-Schuelhuus mit vyyl Musggelyysatz hänn mitgholfe, ass die Zyyglete iber d' Bihni het kenne. Merci vyylmooll, ohni Eych wär's nit meeglich gsi!

Eschtrig ruume
Eschtrig ruume
Eschtrig ruume

Offiziells 2016

Bim Offizielle 2016 sinn au Glunggi uffdrätte und zwor bim Ainzel, bim Solo Duo und als Drummelgrubbe. Laider hett es e baar Ussfäll gäh, so dass mer nid alli glöste Karte brucht hänn.

Mir gratuliere uff alli Fäll dr Dambouregrubbe zem 7. Rang und beduure ass d'Finalblätz bim 6. Rang uffhöre.

Do sinn no d'Originaluffnahme zem aabelaade, aber die sinn relativ gross.
Solo Duo
Drummelgrubbe