Glunggi-Logo

Fasnachtsclique Glunggi 1966

Aggtuells


Fotteli vo de Junge Fasnacht 2019

Mitgliider gsuecht

Mir suche none baar glatti Vordräbler und Dambuure oder au Pfyffer wo luscht hänn sich in ere Stammglygge, Junge oder Alte Garde z'engaschiere – sygs bim Requisitebau, bim Larve cachiere oder bim Drummle und Pfyffe. Mir hänn's zämme glatt, aber sotti au guet deene.

S'lauft bi uns au dur s'Johr allewyl ebbis, lueg doch emol im Johresbrogramm oder frog am Beschte grad bi de Gruppecheffe oder Oblytt diräggt noche. Die Adrässe findsch by der Kontaggt. Du kasch di au diräggt uff em Kontaggtformular aamälde.

Fotteli vom Stamm Fasnacht 2019

Erschti Leggzion 15/16.03.2019

Erschti Leggzion 2019

Die Junge Glunggi mache nadyrlig an der Erschte Leggzion mit und sinn drby uff Instagram under #nadyrligGLUNGGI.


Fotteli vo de Junge Fasnacht 2019

Fasnacht 2019

Fotteli vom Stamm Fasnacht 2019

Sunntigsmarschyebig 17.02.2019

E rächte Huffe vo Glunggi us dr Junge und Alte Garde und em Stamm sinn am 17. Hornig dur d'Grien 80 zem Restaurant St. Jakob gässlet, wo's e feyn Zmiddag gäh hett.

In der Galerie hetts no meh Fotteli und do hett's none Film.

Sunntigsmarschyebig 2019

Hallegässle an dr MUBA 16.02.2019

Hallegässle 2019

Am Samschtig, dr 16. 02, hämr is bi schönschtem Wätter am viertel vor 3 bi dr Muba-Uhr (wo denn sunscht!!) troffe.

Am Aafang isch es aim e bitz komisch vorkoh, in de Muba-Halle go gässle. Mit dr Zyt hett me aber gseh, dass die Idee guet aakoh isch… siggs jetzt bi de Bsuecher oder aber au bi de Standbetriiber. Nache–eme genaue Viertelstund-Taktplan hett me gässlet oder au nit… in de Pause isch zyt gsi für e kleini Erfrüschig. Es hett ainigi Bier-Ständ gäh, wo die ganz Idee au trink-technisch unterstützt hän (wiso immer nur Bier???). Wo die sehr warme 2 Stund umme gsi sin (Halle-Gässle isch vo 3 – 5 gange), isch dä Aaloss mit em Wettstaimarsch beändet worde. Es isch für mi sone Hienerhutt-Momänt gsi…

Nach e paar aaschliessende Freibier (merci Fäldschlösschli) bi dr Show-Bühni, hett me sich e bitz verteilt. Gwüssi Dailnähmer sin weniger lang bliibe, bi andere isch es schiins e bitz spööter worde… do kann i aber laider kaini Details liifere.

Adieu Muba
E Pfyffere wo drby gsi isch

D'Fotteli sinn vom Lucien Graf und do hett's none Film vom Andreas Benz.

Hallegässle 2019

gLuNgGeLi 27.01.2019

Die Jungi Garde vo de Glunggi het d’Gschicht vom Bitzgi und der Verzauberete Drummle im Rahme vom gLuNgGeLi verzellt und s’Ganze mit viele grossartige, musikalische Uftritt gspiggt!

Dangge Jungi Glunggi für dä tolli Nomidaag!

In der Galerie hetts no meh Fotteli.

gLuNgGeLi 2019

Baschtelwuchenändi im Jänner 2019

Baschtelwuchenändi 2019

Mer hänn im Käller vom Dalbeschuelhuus e Huffe Blastigg mit Bauschuum und Haisslyym zämme babbt drmit uns am Cortège dr Mischt uss em Rugge waxt.

No mehr Fotteli hetts in der Galerie.


elteri Bydräg sinn im Archiv.